Yaadein...............the sweet n sour moments shared from life.

Wo Chehra kabhi bhoolta nahi mujhe, Us chehre mein zindagi ki kahaani thi. Har mausam jo guzra, apni nishaani de gaya, Kahi garmi ki jhulsan, to kahi baarish ki ravaani thi. Uski aankhein taktaki lagakar, darwaaze ko dekha karti, Tukde Tukde dil mein shayad, abhi bhi aas puraani thi. Aaj sannaata sa chhaaya hai daro-deewar mein, Kabhi is bhare-purey ghar ki wo Rani thi. Jab bhi dekha, us chehre ko haste dekha, Par jaanti hu aaj, us gulshan mein kitni veerani thi. Jab bhi milti mujhe, meri hatheli mein ek sapna rakh deti, Har sapney mein uske pyaar ki nishaani thi. Kaha karti thi aksar, har haal mein muskuraana, Uski har muskaan mein zindagi ki kahaani thi. Jeeti hai uska har sapna, aaj bhi VINi Koi nahi thi meri WOH, phir bhi hamesha lagti, PEHCHAAN puraani thi. - VINITA SURANA

Badla sa hai manzar, badli si hawaayein lagti hai. Muskaan hotho par aakar bhi, aankho se anjaan lagti hai. Jahaa tak nazar jaaye, bheed mein bhi har basti, veeran lagti hai. Kisne cheena hai sukoon, kyu dil ki deeware bejaan lagti hai. Patthar se ho chale jazbaat, VINi rimjhim barsaat bhi bezaar lagti hai. Ye kaise sheher hai, jahaa har gali sunsaan lagti hai. Rishtey-naatey bandhan lagte, ekaaki har insaan ki pehchaan lagti hai. Aao HUM-TUM milkar, eik naya jahaan basaaye. Tod kar sab zanjeere, Khule aasmaan mein pankh failaaye. Ek muskaan, meethi dhoop si, VINi har aangan mein rakh aaye. Saaz ho bas PREM ka, har lafz prem-geet ban jaaye. Kahi koi aansu chalke bhi to, nami mein uski khushiyo ke phool khilaaye. Kya tera ghar, kya mera ghar, na deeware , na darwaaje, bas AASMAAN ho chhat apni, aur saari DHARTI bichhona ban jaaye. BY-Vinita Surana.

Kuch pal ki yaadein, aur bojhil si hui raat Kyu fir dohraayi mann ne wo mulaakat Maana bahut haseen the wo lamhaat VINi Par fisalti reit ko kab thaam sakey hai haath.

Na jaane kaisi kashish thi unme Ki sudh budh gavaa baithe. Sab kuch luta diya VINi Aur kuch khone ka ehsaas bhi naa hua.

Kyu uthti hai mann mein khwaahishe hazaar ? Kyu karta hai wo kisi ka intezaar ? Kaisi hai bechaini, kyu aata nahi karaar ? Laakh samjhao par har koshish hai bekaar Thokar kha kar bhi, kyu kar leta phir aitbaar Har aahat par tham jaati hai saanse VINi Shayad wo laut aaye phir ek baar.

Bheegi-bheegi raat bheeni si khushboo de gayi. Yaadein unki jaane kab aayi aur palke bheego gayi. Bairan hawa ne yu chhua ki khwaab tuta aur neend chura le gayi. Kya shikwa, kaisi shikaayat, VINi Wo raat hi thi paraayi jo subah hote hi daga de gayi.  

A wandering cloud I am, Moving on the windy wings. Holding sweet droplets Till the love-bell rings. When the dark reigns, And a lonely heart calls. My heart moistens, And the dew-drop falls. No songs of cheer Reached my ears. But melodies sprang To wipe away your tears. I have not a soul dear To fill my lonely nights. Yet I witnessed Many a passionate fights. Know not what Destiny holds for me. Warmth of loving arms, Or a forever WANDERER i be. By- Vinita Surana.